Nitin Vanmana

Nitin Van Mana Feb 7, Nitin Van Mana Puithiam Hnattuannak 1-3, Matthai 24:1-28 Pui 3:16 (Raithawinak ih an pekmi sa) A thau hmuahhmuah cu Bawipai' ta asi. Sathau ei duh zetpa ka si. Voksa tla cu a thau ka ei lo cun ka lungkim lo l awlaw. Veikhat cu Vaidawr ah Kel-sa (Curry Mutton) ka ei ih a thau ti hliaihliai, sa hlerhhlrote ka co ngah. Ka kaa sungah tii-zuizo'n ka kei ih a thaw ka ti tuk. Cumi lai takfangah ka thinlung sungih a ra suakmi cu "Sa-thau cu Bawipai' ta asi." "...A www... Bawipa Jesuh, ka lungawi tuk aw. Na nunnak liamin in rundamih Pathian ih 'SA' asimi 'SA-THAU' tla ka ei ngah rori. In rumdam dingin lei ah ra ttumlo awla cu sa-thau ka ei ngahlo ding sikhawh. Ka lungawi tuk." ti'n lungawithu ka sim hngehnge. Kan nunnak ih kan hmuhtonmi thil fatebik ihsi thokin Pathian hnenah lungawithu kan simthiam tikah kan nun cu lungawinak in a khat sin ding. "Pathian hnenah lungawithu simaw. Na lungawi sinsin ding. Pathian hnenih na lungawinak cu na thazang cahnak hrampi asi." # Mitih hmuhtheih le kutih thamtheih mi ah Pathian hnenih lungawi hna kan thiamlo asi ahcun mithmuh lole tham theihlo asimi thlarau lam thilthu ah ziangti hmanin lungawinak kan sarsuak thei dahlo ding. Matt 24:12-13 Sualnak a karh dingih mi tampiih duhdawtnak cu a ttumsuk ding. Sikhalsehla a netnak tiang a dinghnget theitu cu rundam asi ding. Leitlun ah sualnak a karh nasa. Kan Bawipa Jesuh Khrih ih a rak sim ciami thu a kimnak asi. Kan kiang le kapah ziangvek boruak siava ra thleng khal sehla rundamfa kan nih cu hnget zetih a dingtu ding kan si. Kan umnak leilungpi cu nikhat hnu nikhat siatlam a pan vivo ding. Asinan zumtu cu tthatnak, rintlak sinak le duhdawtnak ah a tthangso sinsin ding kan si. "Leilungpi a sualral tuk ruangah mawhthluk hlah aw, nangmah kha na zumnak ah a netnak tiang ding hnget tum sawn aw!" # Kan zumnak hi leitlun santiluan ih a fanhpi theimi zumnak vek men si hlah seh! Pathian thlawsuahnak ..... na hnen um hram seh!!! Salai Vanruah.