Deirel Arsi

MRTV-Chin Laizo Channel September 15 Thok Ding August 1, 2013 | Filed under: Chin Thuthang | Posted by: vcth MRTV program ihsin Chin Laizo Channel, Daingzinthar channel, cu September 15, 2013 in thlah thok ding a si. MRTV Chin-Channel cangsuak dingin meetingpi voithum neih a siih MRTV hmunpi ah hnatuantu minung 16 tluk an um. MRTV meeting- Chin(Laizo) program ihsin tel zotu pawl: First Meeting ah Dr.Than Bil Luai le Pu Lal Syn. Second Meeting ah Dr.Pa Sang le Pu Lal Syn. tuitum-3rd-meeting ah – Chin vuanzi Dr. No Than Kap, Dr. Lal Tin Hre, Pu Lal Syn le MRTV Chin Progrm ihsin fl. Emte an si. Meeting ah kan Chin vuanzi Pu No Than Kap in kan Chin pumpi hrangih pawimawh tuk thiltha pa 3 le Daingzinthar pawl ih sunmang le lungthlitum muril a sim ih, meeting kaitu zaten upatnak an pek theh. Kutza beng a ringbik. Meeting theh ah MRTV in Chin vuanzi interview nak an nei cih. Source: Humhual, Rihli

FPTP Kalay in Lemcang Thet Mon Myint Ca an Kuat Falam Phunsang Tlawngta Pawlkom, Kalay in Mai Zung Cer mawi (Thet Mon Myint) hmin in Falam Vankau ih sak tummi Purang thawn pehpar aw in duhlonak ca cu August 2, 2013 ah an kuat. Mai Zung Cer Mawi cu July 23, a kum 30 kim suahni ah Falam Purang saknak hrangah kyat 10 million cu Hmawbi phungki pa hnenah a hlu ti thuthang theih a si. Kan Falam khawlu Vankau tlang ih Purang pakhat toh bet ding thawn pehpar aw in FPTP Kalay in duhlonak ca cu Mai Zung Cer Mawi hnen ah an kuat. Hi thu cu FPTP Kalay in thupi zetin a ruat ih Purang sak tumnak an ṭhul lo ahcun FPTP Kalay cu dungsip loin hmai an nor vivo tum. Kalay Phunsangtlawng Chin tlawngta zate 3,500 tluk sungah Falam tlawngta 800 lenglo an um. FPTP, Kalay cu Chin Phunsang tlawngta pawlkom ih cangvaihnak tumbik a si mi Chin Calai le Nunphung Committee ah pawlkom thupi an siih Chin Students Union dinnak ah tla a dintu ah an tel ve. VCTH