Dearest all readers " Therefore, we are ambassadors of Christ....... II Cor. 5:20; Eph 6:20 ) Zo ih thlah mi palai ha na si? Ambassador thlahsuah mi si ding cun ................. 1. Rami sinak ( Citizen ) neih a tul. Khrih ih palai si ding cun a mah Khrih ih nun nei tu asi a tul. Khat lam zawng ih kan rel a si le Piangthar a si a tul. Van lam member si nak nei lo in van lam ih thlah mi palai ( Khrih ih palai ) si a theih lo. Khrih ih palai diktak si ding ah vanlam hrin na si zo maw? Khrih ih nun na nei zo maw? ( Phil. 3:20 ) 2. Thlahsuak tu ram ih thuhla a simrel a tul Hi leitlun ah hin Ambassador pakhat vek ih thlah kan si ih, hi leitlun a lang ih kan umnak thu hi rel ih phuang ih nuamtawl re ro ding kan si lo. In thlahsuak tu Khrih le rammi sinak kan neih mi van lam thu sawn hi kan sim / rel tam bik ding thu a si. Zumtu kan irawm ih suak tam bik hi ziang ha a si?, Khrih ih palai kan si vek in in thlahsuak tu Khrih ih thu / vanlam thu hi kan rel / phuansuah tam bik a tul. ( Col. 3:2 ) 3. Thlahsuahnak ram ah umnghet a khuar dah lo. Hi lei tlun hi a lang te ih Khrih ih palai dinhmun ih tlangleng/ thlahtu ih tumtah le duh mi phuangsuak ih um kan si. Ambassador cun a va thlennak ram ah umhmun nghet a khaur dah lo vek in kan nih Khrih ih palai pawl khal hin lei tlun ah thinlung phum in palai hna kan tuan ding hi in thlah tu Kan bawipa in in siang lo. ( Heb. 11: 13-16,) 4. Do awknak a suah hlan ah kawhkirsal a si ring ring Ram khat le ram khat thubuai nei ih do awk a si tik ah, do awknak a thawh hlan teng teng ah cuiram ih um ambassador pawl cu a thlah tu ram in a ko kir sal ring ring. Cu vek in kan nih zumtu Khrih ih palai pawl khal hi leitlun pumpuluk ih thleng ding do awknak ( Tribulation ) a thlen hlan ah in thlah tu Kan bawipa Jesu in a ram thianghlim ah in ko kir sal theh ding. ( Rev. 3:10 ) Hi kan dinhmun te hi cing ring ring in in thlahtu kan Bawipa Jesu ih inthlahsan le tumtah mi hi kan theitawk le zawn te ah hlen suah tum cio uh si, Kan bawipa inrundamtu hnen ah kan tlung lai ding. Pathian in malza lo sawm vi vo hram seh. Khrih ih duhdawtnak ah James San Thawm Thang Pastor N.Okkalar GBC Yangon