Thusimtu bung 7 Fimnak Ih Thupitnak
Thusimtu 7 Fimnak Ih Thupitnak 1 Hminṭhat cu zihmui ṭhabik hnakin a ṭha sawn. Thih ni cu suah ni hnakin a ṭha sawn. 2 Puai tuahnak hmunih feh hnakin mithi inn feh a ṭha sawn. Ziangah tile minung cu kan zate in thihnak in in hngak a si ti cu theih ringring ding a si. 3 Hnih hnakin riahsiat a ṭha sawn. Mithmai ah lungawinak a um theilo nain thinlung a ṭhat ter. 4 Mifim pawlih thinlung cu mithi inn ah a caam; a sinan mi aa pawlih thinlung cu nomnak hmunah a um. 5 Mi aa ih na thangṭhatnak hla a sak mi ngai hnakin mifim ih kawknak ngai a ṭha sawn. 6 Mi aa hnih cu meisa sungih hling an pa ih ih a puak mi thawm vek a si. Tican ziang hman a nei lo. 7 Mifim in midang a bum tikah mi aa ah a can aw a si...
