JESU A RA CING DING
BIBLE
THUPUAN 22 : 12 ; 13
Jesuh in," Ngai uh! Ka ra cing ding! An hnatuan vekih pe ciar dingah tuanman ka rak keng ding. Keimah cu Alpha le Omega, a hmaisabik le a netabik, a thawknak le a cemnetnak ka si," tiah a ti.
Nikhat hnu nikhat thlanka kan naih vivo ih, duhamnak le maizawn lawng ruah nak, mihnak ih sangsin le hminthan duh nak, sumlepai len duh nak hlir le a khat dah lo dingmi leitlun duhamnak no dawiin kan caan mitam pi cun kan hmang ih, maitisa duh nak lawng diriam ter dingah mitamtak an pial rero zumlo tu cu relding a um lo zumtu tamtak hi zinah kan peng rero zo a si.
Kan lamzin zawh mi kan zoh sal kei uh.
Cathianghlim sungah Pathian in ziangkim hi tawp nak neiin a tuah ti a um, tui kan kum zat thlengthei dinngah Pa Pathian in a thatnakin in kilkhawi i, thei thiam lo in mi tam tak cun sual a phunphun tuah nak ah Pathian ih caan sunglawi in pek mi kan rak hmang sual theu. Duhdawtnak ih khat Pathian a si nan tawk ti cin nei Pathian a si. Kan nunnak ding, kan thlarau hrangah kan timlam aw cia zo maw? JESUH KHRIH a ra cing ding a rei lo ding cu tikah ning zak tu maw, lungawi ih hmuak tu ha kan si ding kan mah le kan mah kan zoh sal aw kei uh. Unau na nitin nun ah Bawipa in ngaidam aw ti ih ti khiokho ih Pathian Be ringring tu na si maw na si ah cun thlaphan nak in a lo neh theu ding. Maw lungawi thusim ringring tu sawn ha na si sawn.? Pathian thianghlim famkim, duhdawtnak cem theilo ih milai in duhdawttu a si. Mi tamtak cun a duhdawtnak kan ngaina zet ih a thianghlim nak le Felnak cu kan duh theilo...ziangruangah tile kan nun ah kop duh mi kan nei ih thlah siang lo mi kan nei ih relsiang lo mi kan nei thup theu. Cu pawl ruangah a si. 1Johan 3 : 12 nak ah Cu ruangah ka duhdawt mi tla kan siatha thleidan thiamnak thinlung in in mawhthluk lo a sile Pathian hmai ah ralthatnak kan nei a si a ti. Pathian hmaiah na phuhrungaw hiam hiam a sile nangmah ah dik lo a um ih cu ruangah Pathian mi hmaiah na thusim mi khal in hmual an nei lo dingih bahlah zelzel le hel keukeu in thu na sim ding. Cupawl cu ziang ruangah tile nangmah le Pathian karlak ah a fello mi, a thalo mi thil fate maw, a tum maw, kan tuah nak ruangah a si thei a si.
Ringtu cu eitu kan si, kan tuah tuan a tullo ti hi thuduh um zet a si. Nitin ih kan nunnak ih a tulmi pawl hmuahhmuah hi Bawipa kan dil thiam le thlacam kan taimak ruangah silo in kan dilhlan in bawipa in in pe. Kan tuldan in in pe ringring fawn. A sinan zum tu hi nuam huah ho cun Vancung Ram kan thlenglo ding ti a fiang. Ziangruangah Zumtui nun cu tuarnak nun a si. Zumtu hmaisa pawl nun kan zoh tikah tuarnak hlirin an lamzin a khat thlaraumit in an codingmi laksawng an hmuh ruangah thih nak namhar le sahrang hmai ah an zamlo, an co dingmi laksawng siattheilo an hmuh ruangah run suah khal an duh lo ih lungawi ten an Bawipa Pathian hrangah a phunphun harsat nak an tuar sawn a si.
Jesu in johan hnen ih a rakphuan mi cu..... an hnatuan vekih pe ciar ding ah tuanman ka rakkeng ding a ti. A sia a tuan mi in a tuanman a ngah ve dingih, a tha a tuantu khalin a tuanman a ngah ve ding..kan tuan mi ziangkim hi a lak lo ding kan hmuh sal thluh dingmi an si ruangah caan reilo te sung kum sawm ziat hman tihlan ih leitlun suahsan mei ding, catuan ram ih lut ding kan si ruangah kan lam zin zohsal in kan Bawipa Pathian hnen ah kan kirsal kei uh. Mingai dam hmang mi a si ih kan sual ngaidam kan dilah cun in ngaidam loh li ding a si.
Comments