EI HMUH NAK TLAKIH THIAMBUL NEIH

EI HMUH NAK TLAKIH THIAMBUL NEIH
                  ****************************************
Pathian in milai hmaisabik a sersiam lai ah khan an tuah, ttuan ve zianghman ttullo in a um ciami parah nuamzetin a tlanlen ter hai. Famkim zetih tuah mi an siih a sersiammi leilungpi hi luahlhat tu dingah le thlah pungaw dingah mal a sawm i asinan an thu awilonak ruangah harsazet le thlanhribaksen tlain an pumcawmawk nak ding hrangah hna an ttuan a ttul tariai aw. Pathian in a mah sersiam nak leilung thlodingah Eden ih hmuan a tuah mi ih sin lengah a dawi. Tuini tiangin kan pumcawmnak ding hrangah harsazet in kan ttuan a ttul vivo a si hi.

Leitlunah fimzirnak le thiamthil zirnak a phunphun tiah zirnak hmun a phunphun a um ih cui un ih zirpawl cu a hlawh tling tamtak an um vekin a hlawhsam khal tampi an um ve ttongtthimnak ih thingkung par hmuahhmuah in an rah thluh lo ti bangin. Milai zovek khalin, (a hleice in kan nih laimi pawl ) thilpakhatkhat a zirtik ah a zirsan bik le nu le pa khalih in duhsak nak an tumbik (target) bik cu a leh hnu ih pumcawmawk nak dinghrangah a si thluh tiseh la kan ti sual em em lo men ding tamsawn ah cun lang hngan in relsuak lo khal seh la mai ttang hma hrang ding kan hai cio cu a si hi. A ttulmi khal a rak si. Hi zawnah hin mi hrek cun mîdang hrangah hi zat cu sive ko seh tilam hnak in a tamthei bikin kei maihrangah hai keng ti ih duhamnak ih a buah cih luarmi khal mah um nak kiangkap cio ah hmuh ding tamtak an um kei mahkal telin. A sinnan kan Pathian thu cun a awm mawitawk ih nundan ding in zirh a si.

Milai in a mai milaipi bang duhah a phunphun in hna a tuan ih sumpai ngah nak ding ah cun poi tinak sete hman neinawn lo khop in duhamnak khur sungah a tla ih a nunnak tiang a siatsuah phah ttheu. Sumpai ruangah felnak le rinumnak pawltla can khalle poi tinak a neinawn lo. Khuitawk hmun um kan si khalah kan dam nana cun hnattuan ding kan si. Kan hna ttuan cio mi lawngte cu a bangaw cio lo ding. Ka kiang kap ih um hnamdang mi (Vaipawl) hnattuan ka hmuh mi lak ih sin zirding ka neive tiah ka ruat aw. Zohtthim an tlaknak zawn a  um. Cucu ziang ruangah tile khipawl dinhmun niam deuh tiseh la kan bang mi cu an silo nan, an hna ttuandan le an service kum pawl ka suh haitik ah an ttuannak a rak rei hai nasa. Commpany pakhat ah kum 5, 10, 15 lenglo ttuan an rak si ziarzo. Cu ruangah an hna ah cun rin an tlakzet an pumcawmawk nak ding cu an thiam, an nei zo titheih a si. Ruah nak i neihter mi cu kan nih laimi thaw cun kan va bangaw lo nasa em tihi. An thin a sau ih harsat an tuarthei ih an pumcawm awk nak hrangah an tuar hramhram ih kum reipîpi an ttuan thei ih professional taktak in hna an ttuan. Zir duh tu hrangah cun an hnattuan danpawl hi ziran tlak tiah ka ruat. Khipawl lakah cun kan nih laimi cu relding kan um lo titluk a si. hitawk dinhmun ah cun hmundang um laimi cu ka theiban lo..ka reltello. Tui ka umnak hmun ih ka theih cin vial ah cun company, factory ih hnattuan reibik pawl ih ttuan reidan tlangpi a tam sawn cu kum 2, 3 hrawng hi a reibik lam an si in ka thei a tamsawn cu. Kumkhatah company 2, 3 laithleng khal an um. tuarthei nak kan neimal mi hi in hlawhtlingter theilo tu a si. Thiam bulba neilo in mithar ah company dang ah cun kan cang zelih hnadang kan hawl khalle Zianglam na thiam tithu suh awk nak khal kan hrangah san harsa ah an cang. Mi thar nana cu hlawhman thu khal ah senior kan ban lo ruangah nuam  kan ti lo ih hnadang hawl ah kan caan neih mi an rak liam vevivo ih kum pi kumkhat a hersuah khalah mah kel thotho, a silole kel hman awh nawn lo ah kan suak leh lala ttheu.

Hna pakhat kan ttuan a sile hi hna hi thiam tumkeng tilam aiin hi aiih hnanuam awlthawng deuh ding company dang kan thinlungin a dap sal ttheu hi poi tak a si. Cawmawk nak tlak khawp ih thiam bul kan neilo a sile Harsatnak tamtak kan tong vivo lai ding. Hnam cangkang tthenkhat cun hna hi an kop celcel nan an kop mi sun ah rin an tlak...tthim nak ah football player ttha pakhat cu Doctor khal a si thotho..Pastor sisi in Boxer kop tla an um ding tampi rel ding an um ko ding, ziang a si khalle kan hna a tam ih kan kop celcel a si hman ah kan mah le kan hna kan pumcawm awk nak ding hrang ah cun kan thiam zet a ttul a si. cu ti vek ih thiammi bul neimi pawl  cu an mah le an  pumcawm awk nak ding hrangah ngaih tuah ding, ruahhar ding an um lo ih an thlen nak ih kip ah hna in a hmuak ding a si mei. 

Ramnuam le ramtha kan timi cu ka raktheih  vedan ah cun hna  an ttuan mi in man a nei zet ih, suang kua cawm awk nak khopkham ten an hmu thei. Khui hmun khal ah um khal sehla kan nun sungih kan taksa ih a ttul mi cu ei le in, sin le fen a si ruangah kan umnak hmun cio ah kan mawhphurh (duty) nak cio kan thei fiang ah si ah cun, harsat nak tamtak lak khalah tuarthei nak thazang thar in pe ih cui tuar theinak ruangah hlawntlin nak khal mitampi in an hmuh phah a si. 


*(Kan Pathian thu khal ah Pumcawm awk nak ding hrang ih zangzel/ mize cu a duh lo long silo in cu vek mi nung cu a thlennak kipah harsat nak a tawngding a ti.)*

[    ]